Индексите на трошоците во градежништвото за нови објекти за индивидуално домување се наменети за преиспитување или мониторирање на трошоците направени од градежните претпријатија при изведувањето на процесот на изградба на нови објекти за индивидуално домување.
Главни корисници на податоците за индексите на трошоците во градежништвото за нови објекти за индивидуално домување се градежните претпријатија, кои се повикуваат на движењето на трошоците во градежништвото во калкулациите при склучувањето на градежните договори.
Државниот завод за статистика ги објави Индексите на трошоците во градежништвото за нови објекти за индивидуално домување за четвртиот квартал од 2021 година.
Во четвртиот квартал од 2021 година, во споредба со третиот квартал од 2021 година, трошоците во градежништвото за нови објекти за индивидуално домување се повисоки за 2.3 %, трошоците за материјали за 2.1 %, а трошоците за вработените за 2.8 %.
Во четвртиот квартал од 2021 година, во споредба со четвртиот квартал од 2020 година, трошоците во градежништвото за нови објекти за индивидуално домување се повисоки за 17.9 %, трошоците за материјали за 23.0 % и трошоците за вработените за 8.1 %.
Извор: Државен завод за статистика
Воочливо е дека сите типови на трошоци имаат пораст низ изминатите пет години, но особено се забележува дека растот на трошоците за вработените има најголемо зголемување во анализираниот период. Во исто време, во последните година ипол растот на сите типови на трошоци е особено изразен.
Со ваквото темпо на пораст на трошоците во градежништвото се отвораат можности за поскапување на цените на недвижностите без разлика дали истите ќе се купуваат на ново или половно. Индиректно, ваквите поскапувања на цените на недвижностите може да придонесат и кон зголемување на цените на наемите за станбени и деловни простории. Од прегледот на објавени огласи на македонските огласници, се забележува дека постои тенденција на зголемување на цените по метар-квадратен на нови и половни недвижности кои се огласени за продажба и/или наем. Растот на овие цени не е рамномерен, односно не е еднаков низ сите локации, туку се забележува посилен раст кај некои општини, а особено централните подрачја на градовите, наспроти други општини и руралните средини каде растот е послаб.
Market7.mk ја подготви оваа вест со цел подобро информирање на своите корисници за актуелни теми. Market7.mk е бесплатен интернет огласник каде продавачите и купувачите се среќаваат. На следниов линк ТУКА можете да погледнете огласи за недвижности објавени на Маркет7.
При подготовка на ова соопштение користени се податоци од Државниот завод за статистика
