На 23 мај 1928 година, Фриц фон Опел постигна рекорд возејќи го своето Opel RAK 2 возило на ракетен погон.
Фриц фон Опел е внук на познатиот Адам Опел, основач на автомобилската компанија Opel, и со својот футуристички тркачки автомобил опремен со странични стабилизирачки крила се има запишано во историјата кога на 23 мај 1928 година во Берлин, Германија постигнал рекордна брзина од 238км/ч. За да ја постигне оваа брзина, Фриц на својот автомобил монтирал 24 ракети со цврсто гориво кои го дале потребниот потисок и брзина. Целиот настан се одвивал пред 3.000 публика, а Фриц со неговиот ракетен Опел оставал огнена трага позади него и притоа воодушевувајќи ја публиката. Фриц ќе го добие надимакот „Рокет Фриц“ по ова претставување, а воедно ќе докаже дека ракетниот погон е моќен и дека истиот може да се контролира.
Фриц фон Опел со неговото Opel RAK 2 возило со вклучен ракетен погон
Opel RAK 2 ракетно возило со воодушевена публика во позадината
Мотивирани од нивниот успех во Берлин, Фриц фон Опел и неговиот соработник Фридрих Сандер продолжуваат уште похрабро да експериментираат. На 23 јуни 1928 година поставиле нов рекорд со шинско возило Opel RAK 3, постигнувајќи 256км/ч. Во следните години постигнале значајни успеси и со мотори произведени од Опел. На 30 септември 1929 година постигнале уште еден значаен подвиг, го извеле првиот јавен авиолет на ракетен погон. Името на авионот е Opel Sander RAK 1.
Opel RAK 3 шинско возило
Opel Sander RAK 1 авион на ракетен погон
Market7.mk го подготви овој текст со цел подобро информирање на своите корисници за актуелни теми. На Market7.mk можете на најдете голем број на објавени огласи. Доколку имате возила, недвижности или други предмети за огласување, истите можете бесплатно да ги огласите. Market7.mk е бесплатен интернет огласник каде продавачите и купувачите се среќаваат.
