Индексите на трошоците во градежништвото за нови објекти за индивидуално домување се наменети за преиспитување или мониторирање на трошоците направени од градежните претпријатија при изведувањето на процесот на изградба на нови објекти за индивидуално домување.
Главни корисници на податоците за индексите на трошоците во градежништвото за нови објекти за индивидуално домување се градежните претпријатија, кои се повикуваат на движењето на трошоците во градежништвото во калкулациите при склучувањето на градежните договори.
Државниот завод за статистика ги објави Индексите на трошоците во градежништвото за нови објекти за индивидуално домување за трето тримесечје од 2021 година.
Во третото тримесечје од 2021 година, во споредба со второто тримесечје од 2021 година, трошоците во градежништвото за нови објекти за индивидуално домување се повисоки за 5.6 %, трошоците за материјали за 6.5 %, а трошоците за вработените се повисоки за 3.7 %.
Во третото тримесечје од 2021 година, во споредба со третото тримесечје од 2020 година, трошоците во градежништвото за нови објекти за индивидуално домување се повисоки за 16.7 %, трошоците за материјали за 21.6 % и трошоците за вработените се повисоки за 7.2 %.
Извор: Државен завод за статистика
Забележливо е дека сите типови на трошоци имаат пораст низ изминатите пет години, но особено се забележува дека трошоците за вработените имаат најголем раст во анализираниот период. Во исто време, лесно се воочува дека во последните година ипол растот на сите типови на трошоци е особено изразен.
Порастот на цените на основите инпути во градежништвото неминовно води кон поскапување на цените на недвижностите без разлика дали истите ќе се купуваат на ново или половно. Индиректно, ваквите поскапувања на цените на недвижностите ќе придонесе и кон зголемување на цените на кириите за станбени и деловни простории.
Market7.mk ја подготви оваа вест со цел подобро информирање на своите корисници за актуелни теми. Market7.mk е бесплатен интернет огласник каде продавачите и купувачите се среќаваат. На следниов линк ТУКА можете да погледнете огласи за недвижности објавени на Маркет7.
При подготовка на ова соопштение користени се податоци од Државниот завод за статистика
