Целокупната општествена состојба и економските предизвици кои настанаа од пандемијата на ковид-19 сеуште влечат последици иаку скоро 2 години се поминати од првичната појава на пандемијата.
Сите економски сектори трпат удари од последиците на пандемијата, некои повеќе, други помалку, а има и такви кои успеаа предизвиците од ковид-19 да ги сменат во своја полза и да генерираат раст и поголеми приходи.
Државниот завод за статистика ги објави податоците за индексот на бројот на работниците во индустријата во октомври 2021 година и споредено со октомври 2020 година, овој индекс изнесува 97.5 со што бележи опаѓање.
Бројот на работниците во секторот Рударство и вадење на камен во октомври 2021 година, во однос на октомври 2020 година, бележи опаѓање од 7.3%, во секторот Преработувачка индустрија опаѓање од 2.3%, а во секторот Снабдување со електрична енергија, гас, пареа и климатизација опаѓање од 1.9%.
Според главните индустриски групи, бројот на работниците во индустријата во октомври 2021 година, во однос на октомври 2020 година, бележи опаѓање кај Енергија за 3.4% и Нетрајни производи за широка потрошувачка за 7.3%, додека пораст бележи кај Интермедијарни производи, освен енергија за 0.4%, Капитални производи за 2.9% и Tрајни производи за широка потрошувачка за 5.5%.
Индексот на бројот на работниците во индустријата во периодот јануари – октомври 2021 година, во однос на периодот јануари – октомври 2020 година, изнесува 97.8.
Позитивен раст на бројот на работниците има во секторските гранки: Производство на тутунски производи со +21.6%, Производство на хемикалии и хемиски производи со +9.2%, Производство на основни фармацевтски производи и фармацевтски препарати со +4.4%, Производство на фабрикувани метални производи, освен машини и опрема со +6.9%, Производство на компјутерски, електронски и оптички производи со +12.3%, Производство на електрична опрема со +4.1%, Производство на моторни возила, приколки и полуприколки со +5.2% и Производство на мебел со +1.7%.
Market7.mk ја подготви оваа вест со цел подобро информирање на своите корисници за актуелни теми. Market7.mk е бесплатен интернет огласник каде продавачите и купувачите се среќаваат.
При подготовка на ова соопштение користени се податоци од Државниот завод за статистика
