На 5 мај 2006 е објавен новиот Fiat 500.
Новиот модел е редизајниран од Роберто Џолито, а во суштина претставува модерна копија на оригиналниот Fiat 500 со заден мотор на Данте Џакоза од 1957 година или „Nuova 50“. Оригиналниот модел кој се произведувал во периодот од 1957 до 1975 година е основата и за познатото Фичо кое било широко распространето на територијата на тогашна Македонија и сигурно секој од постарата генерација имал привилегија да се вози во малиот и компактен градски автомобил.
Модерната верзија на Fiat 500 во рок од 3 недели од своето лансирање во продажба ја има достигнато бројката од 58.000 продадени примероци, што ја претставувало планираната бројка за производство на ова возило за цела година. Fiat 500 се продава во повеќе од 100 земји ширум светот, вклучувајќи ги Америка и Канада. Милионитиот Fiat 500 излегол од производната линија на 19 ноември 2012 година, додека пак бројката од 2 милиони произведени возила е достигната во 2017 година. Во текот на 15 години присуство на пазарот Fiat 500 има освоено повеќе од 40 награди. Во понудата на мотори има голем избор на бензиски, дизел и вклучувајќи и Fiat 500e на електричен погон.
Market7.mk го подготви овој текст со цел подобро информирање на своите корисници за актуелни теми. На Market7.mk можете на најдете голем број на огласи за продажба на возила. Доколку имате возила за продажба, истите можете бесплатно да ги огласите. Market7.mk е бесплатен интернет огласник каде продавачите и купувачите се среќаваат.
